Municipia Estoniae

Municipia Estoniae (Estonice omavalitsus, plurali omavalitsused) sunt minima Estoniae subdivisio administrativa. Singula municipia autogubernativae^? unitates cum singulis repraesentativis et exsecutivis corporibus sunt. Estonica municipia totum civitatis territorium tegunt.

In Estonia sunt duo municipiorum genera: municipia urbana seu urbes (Estonice linnad, singulari linn) et municipia ruralia seu paroeciae (Estonice vallad, singulari vald). Non est alia status distinctio inter ea.

Municipium unum aut varia populosa loca continere potest. Aliquae municipia in districtus (Estonice linnaosad, singulari linnaosa) cum limitata autogubernatione divisa sunt, e.g. Castrum Danorum in districtibus octo consistit, qui sunt: Haabersti (Estonice Haabersti), Centrum Urbis^[1] (Estonice Kesklinn), Christina^[2] (Estonice Kristiine), Lakederberge^[3] (Estonice Lasnamäe), Collis Nigra^[4] (Estonice Mustamäe), Noeme^[5] (Estonice Nõmme), Brigitta^[6] (Estonice Pirita) et Castrum Danorum Septemtrionale^[7] (Estonice Põhja-Tallinn).

Municipia in numero incolarum e Castro Danorum cum 427 500 incolarum ad Runonem^[8] cum 68 variat. Quia amplius duae tertiae partes municipiorum numerum incolarum minorem quam 3000 habent, eorum multa proficiam coöperationem in praebendis diaconiis et fungendis administrativis muneribus invenerunt.

In praesenti, ex Octobri mense 2013, est summa 215 municipiorum, quorum triginta urbana et 185 ruralia sunt. Inferiores tabulae municipia pro comitatu ostendunt, ubi, praeter nomen Latinum et Estonicum, etiam additur nomen Voruvicum, quia lingua Voruvica est lingua regionalis et agnita in Estonia, et nomen Russicum, quia lingua Russica, quamquam nec publica nec agnita lingua in Estonia, est maxima lingua minoritaria: